Librat

Sot, Shtëpia Botuese dhe Libraria “Dukagjini” nisën eventin “Lexojmë në Librarinë Dukagjini”.

E ftuar e parë ishte këngëtarja e mirënjohur, Adelina Ismaili.

Adelina lexoi për fëmijë lektyrën “Tregimi i lepurit Piter”, një libër tejet interesant me ilustrime origjinale, fjalorth e aparaturë didaktike.

Me energjinë e saj, Adelina bëri për vete të gjithë fëmijët, të cilët e dëgjuan me shumë kureshtje gjatë çdo momenti që ajo po lexonte.

Madje, fëmijët u përfshinë edhe në bisedim me Adelinën, pasi ajo mbaroi leximin.

Fëmijët flisnin për detajet dhe ngjarjet që u kishin lënë mbresa gjatë leximit të këtij libri dhe Adelina merrte rolin e dëgjueses.

Ajo u befasua nga fëmijët, se sa bukur rrëfenin ngjarjet e lepurit Piter, si dhe për vëmendjen e tyre dhe dëshirën për shpjegimin e librit.

Ky aktivitet ka qëllim kyç promovimin e librave dhe leximit përmes personazheve publike, që janë influencuesit më të mëdhenj për fëmijët, ngase i ndjekin në media tradicionale dhe sociale.

Ky aktivitet do të jetë i përmuajshëm, me personazhe të tjera publike, që do të na bashkohen në kauzën tonë për promovimin e librave dhe leximit.

f
1942 Amsterdam Ave NY (212) 862-3680 chapterone@qodeinteractive.com

    Free shipping
    for orders over 50%